Dydd Iau 29th Gorffennaf 2010

Hyffordiant Newyddiadurol

Mae gen i 24 mlynedd o brofiad fel newyddiadurwr gyda’r BBC, mewn teledu a radio, newyddion, materion cyfoes a rhaglenni gwleidyddol. Yn 1999 fe sefydlais y gwasanaeth darlledu unigryw, dwyieithog o  Gynulliad Cenedlaethol Cymru ar sianel ddigidol S4C2. Roeddwn hefyd yn gyfrifol am drefnu holl newyddion etholiad BBC Cymru yn ystod etholiadau 2003 a 2005.

Fy arbenigedd yw trefnu newyddion adeg etholiadau a sut mae’r cyfryngau yn portreadu menywod mewn gwleidyddiaeth.

Yn Chwefror 2007 fe drefnais a hwyluso gweithdy 5 niwrnod ar ran Cymdeithas Ddarlledu’r Gymanwlad (CBA) ar gyfer Voice of Nigeria yn Lagos, Nigeria. Thema’r gweithdy oedd lle menywod mewn gwleidyddiaeth yn Nigeria a’r rhan sydd gan y cyfryngau i chwarae yn y broses ddemocrataidd.

Ym mis Mawrth 2007 fe gydweithiais gyda’r South Asia Free Media Association (SAFMA) a’r CBA yn Bhurban, Pakistan mewn gweithdy Cyfryngau Electroneg ar newyddion etholiad. Fe hyfforddais dros 40 o newyddiadurwyr teledu ar sut i drefnu newyddion etholiad a ffilmio adroddiadau newyddion etholiad.

	Llwyddodd y gweithdy i ehangu fy ngorwelion am rôl y newyddiadurwr.

	Mae Elin Wyn yn berson adnoddau hyfryd a fyddwch chi byth yn diflasu wrth wrando arni. Roedd hi’n medru cyrraedd pob un oedd yn cymryd rhan ar lefel un-i-un. Roedd yn gynnes a hamddenol.

	Fe fydd popeth wnes i ddysgu yn cael ei weithredu yn fy rhaglenni.

	Rwy’n gweld nawr sut gallaf i gynhyrchu rhaglen wleidyddol, yn enwedig un all fod yn atyniadol i’r cyhoedd yn gyffredinol er mwyn goleuo, addysgu a hyd yn oed creu cynghrair rhwng gwahanol bleidiau.

	Yn wreiddiol roeddwn i’n meddwl mai siop siarad arall fyddai hwn. Ond erbyn diwedd y cwrs fe lunion ni gynllun gweithredu penodol sy’n fesuradwy ac y mae modd ei gyflawni ac fe roddodd hyn hwb ac ysbrydoliaeth i fi.

	Fe welais bwer y cyfryngau i ddod a phethau, syniadau yn real. Llwyddais i weld fod gan fenywod rôl i chwarae o ran datblygiad gwleidyddol cenedl.

• Rhagymadrodd
• Hyfforddi a Mentora
• Hyfforddiant Cyfryngau
• Hyffordiant Newyddiadurol
• Profiad
• Oriel
• Dolenni
• Ffurflen Ymholiadau