Elin Wyn

Dydd Iau 23rd Ionawr 2025

Hyfforddiant Cyfryngau

Mae ymdrin â'r cyfryngau yn gallu bod yn brofiad anodd. Dyma eich cyfle i werthu eich neges i'r cyhoedd, ond os yw pethau'n mynd o chwith fe allai hynny adlewyrchu'n wael arnoch chi a'ch sefydliad.

Mae gen i 25 mlynedd o brofiad o gynhyrchu rhagleni newyddion a materion cyfoes ac mae gen i'r holl wybodaeth o'r tu fewn ar sut i ymdrin â'r cyfryngau - radio, teledu, print ac arlein. Rwy'n gweithio gyda newyddiadurwyr a thechnegwyr proffesiynnol i ddarparu hyfforddiant o'r safon uchaf - hyfforddiant sy'n dod a chanlyniadau cadarnhaol. Gellir cynnal yr hyfforddiant yn Gymraeg, yn Saesneg neu yn ddwyieithog.

Mae pob rhaglen hyfforddi wedi'i deilwra ar gyfer anghenion penodol y cleient ond gallai cwrs gynnwys elfennau megis cyflwyniad i'r gwahanol gyfryngau; beth sy'n gwneud stori newyddion dda; sut mae ysgrifennu datganiad newyddion effeithiol; sut mae ymdopi â cheisiadau am gyfweliadau; beth yw'r gwahanol fathau o gyfweliadau; ymarferion un-i-un gyda chyflwynydd newyddion profiadol.

Ymhlith cleientiaid yn y gorffennol mae: Cymdeithas y Cyfreithwyr; Awdurdod Parc Cenedlaethol Eryri; Comisiynydd Pobl Hyn Cymru; Sefydliad y Galon; Barnados Cymru; Aren Cymru; RNIB; RNID; Plaid Cymru; Plaid Geidwadol Cymru; Muslim Youth Wales; Llais Defnyddwyr; Oxfam Cymru.

Bu'r profiad o weithio gyda'r cwmni hwn ar gyfathrebu ein negeseuon ymgyrchu yn fuddiol iawn ac yn gymorth mawr i staff sy'n llefaru ar ran yr elusen yn y cyfryngau.

Cyngor proffesiynol ac addas wnaeth helpu'r staff i gyfathrebu mewn ffordd rhwyddach a dealladwy mewn cyfweliadau. Mae hyfforddiant cyfryngau o'r math yma yn werthfawr iawn ac ni allaf ei gymeradwyo ddigon.  

Barnados Cymru

  



Roedd yn ddiwrnod ardderchog o hyfforddiant cyfryngau ac er yn waith caled fe gafon ni i gyd amser da hefyd ac rwy'n sicr bod hynny oherwydd eich sgil yn rhoi tim da o bobl at ei gilydd wnaeth wneud i ni deimlo'n llawer mwy cyffryddus na'r disgwyl. .  

Annabelle Harle, Cyfarwyddwr, Cymdeithas Newid Etholiadol, Cymru





Roedd strwythur ymarferol, ymagwedd proffesiynol a dadansoddiad deallus i'r hyfforddiant gan gwmni Elin Wyn.  Ar ddiwedd y sesiwn roedd ein grwp yn yn teimlo yn llawer mwy hyderus i gymryd ymlaen cyfweliadau Cymraeg a Saesneg i'r cyfryngau darlledu yng Nghymru.

Delyth Lloyd, Rheolwr y Wasg a Materion Cyhoeddus, Sefydliad y Galon (BHF) Cymru





Fe gafon ni ddechrau gwych i'n hymgyrch Pobl Fel Ni ar ôl cyflogi Elin i ddarparu hyfforddiant i'n prif arweinydd cyn y lansiad; golygodd yr hyfforddiant i ni fedru bod yn fwy hyderus o ran ein strategaeth cyfryngau.

Roy Thomas, Cadeirydd, Sefydliad Aren Cymru



Fe gafodd yr holl broses, o'r paratoi i'r technegau cyfweld, eu hesbonio a'u cyflwyno mewn ffordd broffesiynol ac effeithiol. Roedd yr hyfforddiant yn cynnig sylfaen drwyadl - a mwy - mewn cyflwyno eich hun i'r cyfryngau. Roedd yna wahanol fathau o gyfweliadau - yn union fel sy'n digwydd go iawn.

Alun Cairns AC, Ceidwadwyr Cymru



Mi wnaeth Elin Wyn ddarparu sawl sesiwn hyfforddiant y wasg i dim o staff a gwirfoddolwyr. Mi roedd y ddarpariaeth o safon uchel a phwrpasol ac yn addas i amrediad eang o sgiliau ymysg y staff. Mi roedd y cynnyrch yn uchel ei safon ac o brofiad comisiynu sesiynnau o'r fath yn y gorffennol yn werth da iawn am yr arian a fuddsoddwyd.
Dafydd Trystan, Prif Weithredwr, Plaid Cymru

  Hawlfraint Cynnyrch © 2025 Elin Wyn
Telerau Defnyddio | Polisi Preifatrwydd | Map o'r Wefan